Almaniyada olduğu müddətdə ilk öncə diş həkimi kimi fəaliyyətə başlamışdır, 2015-ci ildə isə diş həkimi diplomunu tanıtdırmışdır. Təqribən 2 ilə yaxın diş həkimi kimi işləmiş, eyni zamanda Karlsruhe şəhərinin diş həkimlərinin təkmilləşdirməsi akademiyasında diş implantları üzrə bir illik ixtisasartırma təhsilini başa vurmuşdur. Daha sonra oral cərrahiyyə (ağız cərrahiyyəsi) ixtisası üzrə rezidentura üçün Limburg an der Lahn şəhərinin regional ağız, üz-çənə cərrahiyyəsi və implantologiya klinikasına daxil olmuş, 3 illik uzmanlığı (rezidentura) bitirdikdən sonra Almaniyada oralcərrah (Fachzahnarzt) ixtisasına yiyələnmişdir. Çətin əməliyyatları, implantasiya öncəsi sümük bərpasını və ağırlaşmaları daha dərindən mənimsəmək üçün 2 il həmin klinikada ağız cərrahı kimi çalışmış, bir müddət sonra Ludwigshafen am Rhein şəhərinin Ağız boşluğu Sağlamlıq Mərkəzində diş həkimi, cərrah və implantoloq kimi fəaliyyət göstərmişdir.
Almaniyada olduğu müddətdə 2019-cu ildə Hessen əyalətinin Stomatoloqlar Palatası tərəfindən oral cərrahiyyə üzrə uzman (Fachzahnarzt) və 2021-ci ildə implantoloq ixtisasını almışdır, 2020-ci ildə Stomatoloji Rentgen Mərkəzi tərəfindən rəqəmsal həcmli tomoqrafiya (DVT) sahəsində sertifikasiyadan keçmiş, 2023-cü ildə Almaniya Oral İmplantologiya Cəmiyyətində (DGOI) implantüstü protezləşdirmə sahəsində sistematik ixtisasartırma təhsilini bitirmişdir.
Almaniyada olduğu 9 illik fəaliyyəti zamanı əsasən implant öncəsi çənələrin yerli toxuma və süni materiallarla bərpası, cərrahi və estetik paradontologiya, damağın plastikası, implant və diş üstü protezləşdirmə, dişlərin funksional və estetik bərpasi sahəsində Almaniyanın və Avropanın məşhur mütəxəssislərinin yanında çox saylı klinikalarda, praktika kurslarda, konqres və simpoziumlarda iştirak etmişdir. Almaniyada “American Dental Systems” tərəfindən təşkil edilən və Amerika mütəxəssislərinin implantologiyada tətbiq edilən müalicə üsullarını mənimsəmişdir.